كلمات ميلاد الشرق (وينك يا يسوع)

ميلاد الشرق

بميلادَك يا يسوع، وطني تعبان وموجوع
والدنيي غامِرها الظُلم وصارِت ميّ البحر دموع
بلادي عم تِبكي حجارا ع أطفال ميتَّمين
والإم الماتوا زغارا حَتّى فِرحوا المُجرمين

بليلِة عيدَك، ببلادي، بضوّي عَيْنيّي شموع (2)
بِميلادَك وَينَك مِنهُن؟ وينَك يا يسوع؟
صارِت ميّ البحر دموع وينَك يا يسوع!

أرض المحبِّه والغار، لبنان وفلسطين
زرَعوها قتل ودمار، وصاروا أهلا مقهورين (2)
أرضَك صارِت مِحتلِّه وبَطّل صوتا مسموع (2)
بِميلادَك وينَك مِنهُن؟ وينَك يا يسوع؟
صارِت ميّ البحر دموع، وينَك يا يسوع!

يا مَلِك بمغاره، والنِجمِه طريق
يا رمز الطهاره، والخيّ والصديق (2)
بليلِة عيدَك رح صلّيلَك، وحتّى تِرجع رح ضَوّيلَك
بالعتمِه، من عمري شموع
بميلادَك بدنا تِرجع، بدنا تِرجَع يا يسوع
صارِت ميّ البحر دموع، وينَك؟ يا يسوع