كلمات أجمل فرحة

فى قلب الليل وِسط الهمس بشوف الصبح فعنيكى
و يصحىَ الكون و تيجى الشمس بتضحك من حواليكى
ماهو انتى الضّي فى الضلمة و إنتى الحرف و الكلمة
بغمض عينى وبشوفِك و بسمع همس تنهيدك
و احبك حتى فى كسوفِك و روحى نبضها بإيدِك
يا أجمل فرحة جوه القلب و أجمل قصة ف زمانى
و لو يقولولى بطَّل حب فهرجع و اعشقِك تانى
و أتنفس غرام و حنين و صورتِك تبقا ملو العين
مانا عاشق من سنين حياتى كتاب يادوب سطرين
ولو زمانى ف يوم باعنى كفاية أكسبِك إنتى
دا قلبِك دنيا هتساعنى و عِينِك بحري و سفينتى
يا قلبى و روحى و حياتى و اناديكى بمولاتى
و قبلِك هنسىَ كل العمر و مش فاكر غيرك فى حياتى