كلمات بينوكيو

الو، مناخير بينوكيو معايا عالتليفون
انا عايز اقولك مطلعتيش اطول مناخير فى الكون
‎خلينى احكيلك عن حبايبنا الحشريين
‎اللى فى كل تفصيلة فى حياتنا راشقين
‎اللى فى كل تفصيلة فى حياتنا مناخيرهم حاشرين

انا كنت فى ثانوى بذاكر .. بالزق هجيب مجموع
طنط مديحة فى السابع ..جات لأمي فى موضوع

عايزانى اطلع دكتور  .. او قال ايه مهندس ديكور
و انا اصلا كنت فأدبى ، باسمعها و انا مفقوع

‎مفيش يدوب خلصت الجامعة .. وافتكرت الهم انزاح
‎فرحة كانت سريعة، يا عيني ملحقتش أرتاح
لقيتهم داخلين عليّ، سألوني: “إيه الخطوة الجاية؟
ما تخلع و تسافر برة .. احسنلك مليون مرة

حضرت فرحً بنت خالتي.. و القاعدة كانت  علىً
حنفرحً بيك امتى؟ عقبالك.. بنت الحلال مستنية
عندك شقة؟متتكسفشي .. دي تكفي مين طب معلشي
راحت عليك يا عيني عليك.. متكبرش متتأخرش

زغاريد فى كل حته! انا اتجوزت يا جدعان
انا و هي متفقين..  سنتين تلاتة جنان
قعدو يزنوا علينا .. لبسنا من اول ليلة
فضلوا يزنوا هاتوا التاني .. سبناهم و هجِّنا

‎ذكرت  نجحت اتخرجت   طب حوشت اتجوزت..
اشتريت خلفت تخنت اترقيت و خويت - ماتبطل حشرية