كلمات الطوفان
يا امي يا امي
انهد البيت خيي مات
و أخدت الطوفة أواعينا
و أختي الصغيرة بلعتها الموجات
بلا روح .. بلا روح
ردها البحر عا المينا
وجارنا .. و جارنا
تلا السما نهدات
من غضبتك يا رب نجينا
نجينا لوعات ما في بعدها لوعات
منبكي وما مننلام لو بكينا
منبكي وما مننلام لو بكينا
يا بنيتي المين شاف ها الشوفة
وبيقول بعده عقلنا فينا
لساني انعقد من لهفتي وخوفي
من السيل ما في حصار يحمينا
طرابلس طافت مع الطوفة
طوفان نوح قبالها نسينا
زغرتا بلد بالعزم موصوفة
الكارثة محيت بساتينا
ريت المحب ما يشوف ها الشوفة
ال عترت يا رب أهالينا .. يا رب
منبكي وما مننلام لو بكينا
ليكي يا أمي الجسر كيف انهار
ليكي الحجر من مطرحه كيف طار
ها البنت بتروح و تجي عا المي
واما بتبكي ولاد صغار
اطلعي كيف انمسح ها الحي
ما عاد الها بيوتنا آثار
وان طالت الطوفة يا أمي شوي
مين اللي بيعرف ساعتها شو صار
يـــــا ميمتي
يا ميمتي بقلبو انجرح لبنان
ورح بيتنا يرجع متل ما كان
يا يا يا ميمتي
بقلبو انجرح لبنان .. لبنان
ورح بيتنا يرجع متل ما كان
بس خييك كيف رح بيعود
يا هل ترى وين وصله الطوفان .. ويلي
شوفي المقيم بالمال عم بيجود
شالح قميصه لنصرة العريان
وبعطف المهاجر كوخنا موعود
وعند الشقا الإنسان للإنسان الإنسان للإنسان
والعروبة اسمها بيسود
بالتضحية عن عاطفة و إيمان
مسلم مسيحي للمحبة جنود
تحت ظلك يا وطن إخوان
ما بيلزم ع الكلام شهود
وشفتي بعينك غيرة الجيران
انت الرجا يا خالق المعمور
بلسم بعطفك خاطري المكسور يا رب
يا رب ... يـــــــــا رب ... يــــــــا ربي .. يــــــا رب
يا رب احفظ ها الجبل
تا يضل لبنان مرجع للأمل و النور
منبكي وما مننلام لو بكينا