كلمات غدرو بيا
ليل يا ليل، يا ليل
عشت شاري في ناس باعوني
عمرهم يوم ما اشتروني
هان عليهم يكسروني
غدروا بيّ مكملوش
كنت باقي وهما سابوا
فجأة بعدوا وفجأة غابوا
قلبي ليه معملوش حسابه
ليه باعوني وماشتروش
عشت سنين ببني في أوهام
شبعت وعود وشبعت كلام
ومن التفكير مبقتش بنام
خسرت حاجات ناسي عددها
بعدوا وسابوا في قلبي جروح
بقى لي سنين عايش مجروح
بتيجي حاجات وحاجات بتروح
وبذوق المر وبتحمل
عيشت شاري في ناس باعوني
عمرهم يوم ما اشتروني
هان عليهم يكسروني
غدروا بيّ مكملوش
كنت باقي وهما سابوا
فجأة بعدوا وفجأة غابوا
قلبي ليه معملوش حسابه
ليه باعوني وماشتروش
آه، آه، آه، آه