كلمات Kho

جرون ظهر توسون بی برازگون خالی از جون بی
گمونم کار شیطون بی تو خو دیدم که بارون بی

مو شی بارون و دو  بیدم نه یادم بی که خو بیدم
نه فگر نون شو بیدم نفهمیدم چه سامون بی
زمین کالل پر او بی یه هل گندم یه هل جو بی
نبی چی کانه پاک نو بی همه دنیا گلستون بی

در اومه بی خور افتو بشوره سرشه تو بهلو
چنون زر میخه تو زرنو که انا اینه گردون بی
زمین مس بی هوا مس بی بلاتش می خدا مس بی
گور پی گرقلا مس بی خروسم دور دیگون بی

حواس پازن نرگر سه چیشی رفته ور تیشتر
نه شوکی بید و نه شوپر اما کمتر فراوون بی

صفا چالش پر تش بی وفا دیده‌ی دلش خش بی
بتوریش عین برکش بی حساوی باو دندون بی
بساط کینه مرکر بید و خارش بار اشتر بی
دوپوسی قلفلش پر بید و راسی مرد میدون بی

یهو ورپهرسم از خو زدم توریمو مشتی او
فرافر می‌زدم کشکو هنی حالم نه میزون بی

و خوم گفتم چه ذا واوی غواریش بهر ماناوی
چطو شیطون رضا واوی که زندی ایقه آسون بی