كلمات ضايعه

كنتي ضايعه صدفة جيت لقيتك
مافي فايده القلب ما بريدك
حرام نتلاقا تاني حتى لو ثواني
راسي كلو راني وراسي كلو راااااني

جاري في النهاية م حصلتا
ناقش اي حاجه واتعاطبتا
من فوق الكبينه بوجه اوامر
من البدايه وانت مؤآمن
بوزع فيها برضو لسه عالقه
فجأة كده قلت ابقي مارقه
لمي حاجاتك لمن تبقي مارقه
قاعده ما قاعده اصلاً م فارقه
كل الكلام البقولو حقيقي
ركز في الجاي وصدقني ي صديقي
الكبابي القدامي بالطعم المخمر
صغير في عمري وحياتي بتدمر
لافي كلامي في الدولة
١٨ سنه ولا حولا
يا الميتين التحت ياخ تعالو
لانو الفوق معانا بدري ماتو

شايل همومي في الجيب المشروط
بعيد في نفس الفايل شابكني ما مفروض
اقنعني كيف بتغني راب
منتظر يجيك ثواب
ال في الشارع كلو بحاول يتكبكب
مخي عباره عن مصفاة افكاري بتترسب
فا ده المطب العالي
انخس البنزين وابقا بالي

حأعمل اي حركة
عشان الفلف اي ورقه
واقفل اي فرقه
عشان اطلع درجه درجه
بحنك جوه المايك وبدي بنيه زي الtyson
بشوف اشكال بضايق بطرش بارات في السايفون
فخ جواهو عالم مجانين
اي area فيها مسيطرين
خاشي الفايتنغ شايل دربكين
معوق كنت مدور تمارين
فنانين جامدين
جونيور للدين

كفايه من الضربه الاولى
مستغرب بتأمل في الصوره
‏Don’t convince me انو ديل كانوا اصحابك
وانتي اول وحده كنتي السبب من اسبابك
‏By the way بتكوني لابسه اسود يوم زفافك
فليه ي بيبي انتي واثقه كده من كلامك

كنا بنتكلم وانت كنت صاني
داير تتجنن في بني آدم جاني
فلمن تجنن ما تجنن فينا
فلمن تتكلم ما تتكلم بينا
حنقفل كتابنا و حنعمل حسابنا
و نغير ارقامنا و نجدد احبابنا‏
م تقوم من مكانك الزمان ده م زمانك
م تخليك في حالك الراب ده م مجالك
06 واقف الفا في شوارع الجيزه
ميكس اخد لفه لفتين خالي فيزا

كنتي ضايعه صدفة جيت لقيتك
مافي فايده القلب ما بريدك
حرام نتلاقا تاني حتى لو ثواني
راسي كلو راني وراسي كلو راااااني