كلمات كام مرة
كان اللى بينا اكبر من وجود شئ مكرر
روتين ممل فرضا او اى شئ ممكن يعكر
الاجواء و اما افكر مش حاسس حالى اقدر
تسبنى لسبب فارضى او فظروف تبقا غامضة
كل مرة تيجى تبرر كل شوية بشئ صغير
ولا عاجبها حالى ده ولا سايبانى حتى اتغير
لما يكون فى مواجهة طبيعى انى اخسر
لدرجة انها تسيبنى وترجع تقول انى مقصر
من الواضح انه صعب اللى داير بينا حرب
الطرف اللى عايش موت اتانى ضرب
فعلى سبيل الفرض انا الطرف اللى جض
دى لو اخر واحدة و عليها واحدة و عليهم عرض
مش قادر حتى اقبلها مش هحط نفسى مكانها
يمين الله ما يخطر ببالها فتلاقينى بسالها
هو انتى فعلا عارفة ان السعى و المعافرة
عشان تكونى ليا ايا كان تمنهم هدفع
كام مرة اقولك انك لازم تبقى جمبى
تبقى معايا متسبنيش تبقى سندى و ضهرى
وعد الحر دين عليه مديونة ليوم ما تموتى
وعدك و رجعتى فيه فياريت تنقطينا بسكوتك
و ياريت تشوفى وعودك و تفكرى فمين السبب
جاوبى بامانة انتى شايفة مينفينا اتاذى
حد كان حابب وجودك حب يسمع بس صوتك
حد عاوز يصونك حب يملى كل يومك
اول مالصراع ابتدى لقيتك بتخسرينى انا
افتكرتى اى حاجة ولا القلب خلاص اتعمى
افكارها مسممة ايه هيرفع عنا البلا
مين هيعرف اللى اختلف غير واحد حبها
فالنتيجة كانت عكسية اغلب ردودى بقت مرضية
اسمع كلام يقطع فيا و مشاهد كتير بقت درامية
فوضع دفاع باستمرارية بصالحها كمان يوميا
للقاهرة من اسماعيلية كنت هموت و تسمع ليا
و لسلامة النية لجل القصة تكون مثالية
الاحداث هنا حقيقية من وحى حياة مؤذية
بس قولت قبل ما اسيبها و قبل ما اتجنبها
اسيب ليها حاجة تجيبها فتقراها تندم
كام مرة اقولك انك لازم تبقى فاهمة تبقى عايشة بعيد عنى تبقى حامدة و شاكرة
وعد الحر دين عليه وعدتك ولله ما ارجع
وعدى و هعمل بيه انا لسه عندى مبدء
و ياريت قبل ما ابدء تفكرى مين سبق
مين حب يجزء مفيش امانة مين هيصدق
ما ده اللى تعب قلبى دايما انا اللى ببقا سلبى
يبقا ده بسببى و يبقا بردو الذنب ذنبى
بعد اكتر من سنتين قولت اصبر فاستنيت
كنت بقول ياريت اكون تمام و انا انتهيت
بدات اخلص بالتدريج انا منستش فاتنسيت
ده القدر و النصيب موتتنى بالبطئ