كلمات مو من فراغ

انا مو من فراغ اهواك
لا  تسترخص الغلاك
تطلب روحي اگلك هاك
بس لا تنطي بيه ::::

كلي مسجل بأسمك
يل تستاهل اتعبلك
قدّر گلبي اليحبك
وآبد لا تحب عليه :::

عليك مراهن العذال
آبد ما شيلك من البال
ميهمني الحكا والقال
المهم تبقى انت اليه :::

حبني من گلب ولسان
صير وياي خوش انسان
مثل مابيك انا ولهان
وآبد لا تحب عليه ::

شگد مابيك حبني اهواي
اوعدني تضل وياي
صير انت الضوه بدنياي
ولا تكسرلي خاطر ::

مثل ماحبك تحبني
اريدك كون تفهمني
لانك كلش تهمني
الحبك گلبي صابر ::

غيرك حب آبد ماريد
عشگك بيه جاي يزيد
اروح وياك وين تريد
تآمر واني حاضر ::

يبعد الماكو  مثلك
فدوه لروحك وشكلك
بكل الكون ما ابدلك
لحضرتك ماني خاسر ::

تفكيري بيك بكل وكت
وبحبك اني اتعلقت
ياروحي بيك اني ادمنت
لا تكسرلي خاطر :::