كلمات من بادي الوقت

من بادي الوقت هذا طبع الايام
عذبات الايام ماتمدي لياليها

حلو الليالي تواري مثل الأحلام
مخطور عني عجاج الوقت يخفيها

أسري مع الهاجس اللي مابعد نام
وأصور الماضي لنفسي وأسليها

أخالف العمر أراجع سالف أعوام
وأنوخ ركاب فكري عند داعيها

تدفى على جال ضوه بارد عظامي
والماء يسوق بمعاليقي ويرويها

إلى صفالك زمانك عل ياظامي
إشرب قبل لايحوس الطين صافيها

الوقت لو زان لك ياصاح مادام
ياسرع ماتعترض دربك بلاويها

حتى وليفك ولو هيم بك هيام
سيور الايام تجنح به عواديها