كلمات رايد وطن

ما عندي بس هذا العلم
وهموم وجروح والم
اني اللي طالب وانظلم رايد وطن

باليمنه شايل رايتي
وباليسره عزتي وغيرتي
ويسمع العالم كلمتي رايد وطن

صبري انتهى وماانتظر
ارتاح يمته بكاعي

اني اللي مات من القهر
يل ماتحس باوجاعي

اني الفكد روح او وطن
واني الدفنت اسباعي

مايمشي ظلمك ع الشعب
هسه الشعب ظل واعي

ماعندي بس هذا العلم
وهموم وجروح والم
اني اللي طالب وانظلم رايد وطن

باليمنه شايل رايتي
وباليسره عزتي وغيرتي
ويسمع العالم كلمتي رايد وطن

لجل الوطن وبالوطن
شالتني شيل الغيره

كل ماارد ارجع وارد
خليت بيكم حيره

هذا الوطن بسمي نعم
بس ماضكت من خيره

استشهد وارجع عدل
الوضع راح انغيره