كلمات مهرجان والنبي خفو عينكو حبه
انا الشاب اللي مات قلبه وقال هتروق
وانا الشاب اللي فرحه من الحياه مسروق
ببصي لنفسي في مرايتي لقيت مخلوق
عيون دبلانه شعر ابيض وكله حروق
والنبي خفو عينكو حبه
حطينلي ليه كاميرات مراقبه
ده انا خلاص هجري استخبه
ياللي عينكم مش حلاني
٥ باكو علي اللى غارو
٥ كمان علي اللي طارو
حضوري بيطفيها ف ثواني
حلال من ديني ثابت مهما جرحو فيا
ساند علي نفسي مش علي حد سقفو ليا
يارب احميني من عين البشر مؤذيه
كلامكو في ضهري مهزنيش ١
طب هو كام رقم المطافي
زميلي مولع مش صافي
هيتجنن ماشي حافي
بكره زمانو هيوريه
ان اللي فرحان باللي عنده
غير اللي ربه يا ابني سانده
هو انتو فالحين بس تخده
طب ايه تاني هتكلم فيه
انا فعلا هموت من الضحك لو يوم شوفتك
رسمتك صوره واللهي متستهليها
دي فاكره اني مفيش غيرها ولا بعدها
يا بت انتي هيفا اكس ماكس
غوري خلاص بقيتي اكس
من حياتي خودي تاكس
لاحسن مشوطك انا برجلي
اه يا ام قلب اسود يا جاحده
بقيتي في نظري اوطي واحده
مفكره نفسك جامده
يا شيخه غوري ده انتي تشيلي
انا اللي عيشها بضحك بس من بره يا
لاكن والله تعبان اوي من جوايا
في ناس صحبتها كانت هي سر اذايا
بقيت مكسور عشان كنت فاكركو معايا
اخوك سايقها مش راكبها
معملش حساب هي وناصيبها
شفتوني قولتو ده خاربها
ومقضيها ووالعه معاه
فاكرني ماشي بفانوس سحري
يا ابني انا شقيان من صغري
سالك اوي وماشيها دوغري
اخوك ربنا واقف معاه
شايف ابطال علي مواقع وده المكتوب
لاكن في الواقع انتو اخركو تحدفو توب
شريط برشام من الاوهام يقوي قلوب
فاكركو حمل طلعت شايفكو بالشقلوب
طب خد خد بالك من نفسك
لاحسن ماجي واكسر نفسك
ياض انت هلوسه وانا عارفك
عشان كده مش مستغرب
ياللي مني ياللي مني
انت ليه وكلاك مني
في حاجه فيك اه بتعجبني
ان انت بتشوفني بتستغرب