كلمات الله محيي عسكرنا

هلي عالريح
يا رايتنا العليه
عز وتلويح
ارزتنا اللبنانيه
حمرا من الخيل حي الله
يا هو
حمرا من الخيل حي الله فارسها
هي هيه
شو يا عبدو
اي يا عبدو
وين صار العسكر يا عبدو
بالساحه
هلق تا وصلوا
اي هلق بعدن شي طلوا
شو اخبارن كيف احوالن
لاقاهن الجبل كلو
صبرنا والله صبرنا
وبالنصر القاطع بشرنا
اي يا عبدو احكي يا عبدو
الله محيي عسكرنا
كان الليل سنابك خيل
ركبنا ع الخيل وطرنا
اي يا عبدو احكي يا عبدو
الله محيي عسكرنا
ارض غبار وهني كتار
تشاورنا وتدبرنا
اي يا عبدو احكي يا عبدو
الله محيي عسكرنا
كنا قلال وبس رجال
قلال وع الاعدا كترنا
وصار السيف يقارع سيف
ويسكر مجد ويسكرنا
حفظنا حدود رفعنا بنود
وعلوات الارز ذكرنا
وراح نهار وطل نهار
بنصر القاطع بشرنا
صبرنا والله صبرنا
وبالنصر القاطع بشرنا
اي يا عبدو احكي يا عبدو
الله محيي عسكرنا