كلمات سوا سوا

سوا سوا
مش هلاقي زيها و لو لفيت الكون ده كله
الماضي ده انتهى و محدش غيرها احب اكونله
انا مهما الف و اطوف و اشوف محدش غيرها اروحله
حد يقوله اني بحبه الحب ده كله
عملت لـ قلبي كمين و كانت غير التانيين
عرفتها في يومين و كأني عارفها من سنين
بقت نهايه سعيده علاء الدين قابل ياسمين
مش هقدر اغيب ولا اسيب اكيد هيرجعني الحنين
ما تيجي هنا و اقولك انا بحبك قد ايه
معنديش اي حد غيرك انتي اخاف عليه
معنديش اي حاجه ولا غني ولا ابن بيه

و مهما اقول نسيت متصدقيش كداب
فيه حد ينسى القمر ده اللي علق قلبه و داب
مش هلاقي حد زيك لو لفيت مدن و بلاد
متتقارنيش بحد انتي لوحدك ست البنات
هنفضل سوا سوا في وجودك انتي الدوا
بقيتي نقطة ضعفي بإختصار دراعي اتلوى
بحسك امي و بنتي ده انا بخاف عليكي من الهوا
لو كل الناس دول سابوا بعض هنفضل احنا سوا
2
لما تقوللي بحبك قلبي بيفرح و يلاقيله مطرح
محدش زيك انتي حب العمر و هما فتره
لوحدك انتي البطله و هما كومبارسات في مسرح
بتخيل شكلي انا و انتي بنجري سوا في وسط المطره
ماسك ايدك مش هسيبها مهما الدنيا تضيق
الوقت جمبك عدى هوا و في غيابك بطئ

قلبي معاكي برئ طول ما انتي جمبي هكمل الطريق
قربي و هاتي حضن شيلي بـ ايدك كل الحزن
معاكي بقول انا كلام حب مع إن انا مليش في المحن
جمبك ببقى ميه ميه و كل حاجه زي الفل
متتقارنيش بالكل علشان انتي الكل
حبيبه ديا اتخلقت علشان تبقى مني
و عشان اي واحده حلوه تشوفها تقول دي احلى مني
و مهما البعد يطول هنرجع و مسيرك هتحني
ما انتي ساكنه الروح و القلب و شايلك جوه العين و النني
هنفضل سوا سوا في وجودك انتي الدوا
بقيتي نقطة ضعفي بإختصار دراعي اتلوى
بحسك امي و بنتي ده انا بخاف عليكي من الهوا
لو كل الناس دول سابوا بعض هنفضل احنا سوا