كلمات من مننا معصوم

من مننا معصوم ماقد يوم زل
من مننا واحد بعمره ما قد عمل زلة
الادمي دايم معرض للزلل
في حين له او عليه
وليه ياخلي تعاملنا برد الفعل ليه

كل من غلط مرة عطه عادك امل
اما اذا تكرر خطاه الناس بتمله
لكنني ماوصل الى حد الملل
حتى اقل مافيه
وليه ياخلي تعاملنا برد الفعل ليه

ان قلت لك سامح وصالح قلت ذل
وان قلت ياويلاه هان القلب في مذلة
واصبحت كالبياع مابين الدلل
كل من زعل ارضيه
وليه ياخلي تعاملنا برد الفعل ليه

بالامس ضحى القلب لاجلك مابخل
ولا اظنه اليوم ينوي العيب في خله
هل شفت اخلاصه بدا فيه الخلل
او شك عندك فيه
وليه ياخلي تعاملنا برد الفعل ليه