كلمات لروحنا نعود

و ليه تباريحنا جارحنا
نضيع و تضيع ملامحنا
نتوه في زحمة العالم
ما نلقاش وشنا مالم
لروحنا نعود
و نبقى احنا
حبيبي تعالى لسه العمر في ربيعه
و نهر الحب في قلوبنا ينابيعه
حرام نعشق و نتعاهد
و نتفرق و نتباعد
و يبقى بكرة بين ايادينا
و نبيعه
انا في التوهة في الزحمة
باضيع ولا راحة ولا رحمة
تعالى انجدني من روحي
و من توهاني في جروحي
و خلي الكون يصالحنا
عينيك داري و حنان اهلي
و فين ما باروح بتندهلي
تزهزهلي الحياة فيها
و تتفسر خوافيها
نطير و احنا في مطارحنا
و ليه تباريحنا جارحنا
نضيع و تضيع ملامحنا
نتوه في زحمة العالم
ما نلقاش وشنا مالم
لروحنا نعود و نبقى احنا