كلمات قدر قدر

قدر قدر وانا انا بين المعاني و الشعر
اكتب على البحر الطويل و لي مشاعر غارقه

مر العمر وانا احاول ارضي احساس البشر
و نسيت نفسي و انصدم وين الفرح من سارقه

وانا احاول ارضي العالم و لو تطلب نظر
و العمر يمشي و السنين تمر تقفي بارقه

اعطي على قد العطا ولا انتظر مدح و شكر
و اذا عطيت اهم شي اعطي بنيه صادقه

من بوظبي و دبي انا كلي و انا كلي فخر
وانا من الصوبين عز و بارتفاعي شاهقه

اطيح لكن طيحتي تبقى على سطح القمر
لان القمر يبقى قمر و الشمس تبقى شارقه

في داخلي عالم وله و احساس و طيوف و صور
في كل يوم تمرني اشياء كثيره عالقه

في داخلي دنيا وله سكنت و فوادي قصر
و ضليل شوق و لمه اشواقي زهوره وارقه

فيها فرح فيها حزن فيها ضماء و فيها مطر
الله يا ما احلى اللقى و يا حزن ناس مفارقه

ياللولو الصافي انا بالطيب باقي لك اثر
ذكراك ما تذبل بعين اللي تحبه وارقه

احن لك و احن لك و احن يا حص البحر
و احتاج لك و احتاج لك و الشوق قلبي سابقه

في قلب روضه لك مكان و قصر ع مد النظر
و ارواحنا دامت على الذكرى وله متعانقه

في وحدتي احتاج لك وانسى انا كل البشر
واشوفك بعين الفرح ما دام روحي ضايقه