كلمات تحديد المصير
✍️ كلمات: هزاع بن سلطان ال نهيان
🎼 ألحان: خالد ناصر
قول لي ودك ولي ودك يصير
بس قلبي لا تحاول تجرحه
صعب للانسان تحديد المصير
اترك الايام وضعي تشرحه
يا عذاب الطرف لي امسى سهير
من عطاك الحق قلبي تذبحه
انت غير وباقي الخلان غير
مستحيل الوقت حبك يمسحه
في غرامك حالتي حال الضرير
لي فقد شوفه وتمنى يلمحه
ساس ودك صاحبي باقسى الضمير
شوف في فكر الخيال واسرحه
انت لي بالروح واشواقي جدير
من غلاك احس روحي رايحه
يا دجى ليل الغرام المستنير
انصحك يا زين قلبك تنصحه
الهوى والعشق ما يبغي شوير
المحبه لي بقلبك راجحه
لا يغرك جاهل الحب الصغير
المحبه غير حب المصلحه
قول لي ودك ولي ودك يصير
بس قلبي لا تحاول تجرحه