كلمات ما بكرهوش

مابكرهوش
ومهما تكرهوني فيه
هحبه واحن دايما ليه
دا لو كان سابنى يوم بايديه
كتير ايام وقف جانبي
مابكرهوش
وهفضل فاكره ليه الخير
وهنسى الجرح والتقصير
دا لسه فى عينى هو كبير
ولسه بحبه من قلبي
ولو قولتوا انه مش ليا
وروحى فى حاجه مش جايه
ولو قولتوا انى منسيه
ومش فى دماغه ولا شغلاه
ولو قولتوا انه شاف واحده
ومش بيحس بالوحده
ولو قولتولى ايه حتى
لاهكره قلبه ولا هنساه

مابظلمهوش
ومهما تحكوا ياما عليه
كلامكم انا مش هفكر فيه
ومن حساباتى انا هلغيه
ومش هسمحلوا يشغلنى
مابظلمهوش
ولو مظلوم انا مسمحاه
ولو ناسى اللى عشته معاه
انا يصعب عليه انساه
ولسه الشوق بيقتلنى
ولو قولتوا انه مش ليا
وروحى فى حاجه مش جايه
ولو قولتوا انى منسيه
ومش فى دماغه ولا شغلاه
ولو قولتوا انه شاف واحده
ومش بيحس بالوحده
ولو قولتولى ايه حتى
لاهكره قلبه ولا هنساه