كلمات لا يروح بالك

يا من شكيت الغياب وحرك شجونك
انصت لمعنى كلامي واسمع الاتي
لا يروح بالك مع غيرتك وظنونك
القلب يهواك لا تشره ولا تحاتي

يكفي بان الغلا في طلة عيونك
يبهج ويغمر شفاهي بابتسامتي
لو كانوا الناس بعيوني يشوفونك
ان كان حسوا بكثر الشوق واهاتي

يلوح بارق غلاك وتمطر مزونك
في كل ما اشوف وكل اتجاهاتي
يفرق وجودي معك وجودي بدونك
شروات فرقى الحياة وفرقى الاماتي

يانور قلبي عسى العذال يفدونك
يا اجمل اوقات قلبي واهتماماتي
الكون وحده وانت لوحدك بكونك
كل ما ادور غلاك القاه في ذاتي

قلبي على العهد دامه حي ويصونك
طبعي اصون الوفا في كل حلاتي
تسكن غياهيب ليلي بس بسكونك
تفهم توافق شعوري واختلافاتي