كلمات حكم القدر
✍️ كلمات: مخاوي الليل ( خالد عبدالرحمن )
🎼 ألحان: خالد عبدالرحمن
حكم القدر مادام فرق حبيبين
وش فايدة حب الخشم والطلايب
ماكنت قاوي ياغرامي على البين
لكن جروح الوقت جتني عطايب
يقطعك يالايم حبيبك من سنين
مادام قلبك عرضة للسلايب
وانا تركتك بس ظني بتبقين
مشاعري عدتك ضمن القرايب
أسرجت خيل الشوق في يوم الاثنين
ومحطتك حطيت فيها الركايب
يوم احتزمت بشايبك عيت تزين
قمت وطلبته بس رديت خايب
متعلق شيبه بذيك البراهين
بنته لولد العم لو كان عايب
حكم القوي ما أخذ بشور الضعيفين
ان جاتها بالطيب والا غصايب
وانا محدر من سلالة عزيزين
مادنست نفسي عليها الشوايب
يامولعي قاسيك عيا على اللين
شاب الشعرفي راس ماهوب شايب
يافاتني تبقى وتبقى الى الحين
حاضر بقلبي وانت مازلت غايب
حكم القدر مادام فرق حبيبين
وش فايدة حب الخشم والطلايب