كلمات العين والناس

يامّا إبنك تعبان من العين والناس
كيد النسوان حبس وأحكام
أخصام وأعداء والشيطان وسواس
ياخد الإنسان على سكة شمال

وأنا في بداية العشرين
حاسس إنّي خلاص سبعين
شُفت ضلمة ما أنيش سعيد
يامّا إبقي إدعيلي كتير
حاطط روحي على التسجيل
على أمل إن تواسيني
مخاوفي بتتجسّد قدّامي
والوحدة بقت تإذيني
ما بقيتش أخاف على إنسانيتي
ومهما أهرب كوابيس بتجيلي
مش عايز أصعّب ع الناس تبكيلي
هتشمت فيّا يا هترميني
إبنك تعبان من الشغلة
إبنك تعبان من العملة
إبنك تعبان إبنك قلقان
من بكرة إبنك فاقد الأمل

يامّا إبنك تعبان من العين والناس
كيد النسوان حبس وأحكام
أخصام وأعداء والشيطان وسواس
ياخد الإنسان على سكة شمال

تسعة وتسعين مشكلة ولا واحدة فيهم Holds
ما حدّش بيسلّط ضوء كلّه مسقّع غاطط في النوم
عجلة فيران وعمّالة تلف وتشفط بالـ Slow
راس كبيرة تـ Capital ع الـ Small مش هتباصيلك Ball
زميلي خد نفسك وإلقيها من فوق من قبل ما تلقي اللوم
إقنع نفسك بإلّي بيتقال لو جاية تعدّي اليوم
وإحتوي طاقتك روح في الأحلام لو حابب تكسر Rout
من كتر الكبت بقينا راصيين قصّة في مكب بـ Flow

نزلت دمعة في الفراق شقّت روحي نصّين
دمعة تنزل بدون أسباب يمكن من الكتمان
مش هفضل أجري من العين والناس
العين والناس

يامّا إبنك تعبان من العين والناس
كيد النسوان حبس وأحكام
أخصام وأعداء والشيطان وسواس
ياخد الإنسان على سكة شمال
لا شيء يستطيع أن يقف في طريق النور

اغنية العين والناس – هادي معمر
HADY MOAMER – EL3EEN & ELNAS