كلمات الحسن كله

الا يامـن ملكـت الحـسـن كلـه
من اللي علمـك قطـع الوصـالي
تحملّنـي الخـطـا من دون زلـه
عـذابي كيف في شرعـك حـلالي
يجـوز الخـل ينكـر صدق خلـه
تـكـرم بس جـاوب لي سـؤالي
عـقـب ما كـان ودك في محلـه
مـديـمٍ سـاكنٍ في وسـط بـالي
اسـرت الـروح روحي مستحلّـه
من عيـونك و حسنـك و الـدلالي
أنا بي من الهـوى مليـون علّـه
من اسباب الصدود وضـاق حـالي
حيـاتي من غـيـابك بي مملـه
ذكـرت الأمـس وايـام الخـوالي
وقلبـي من غيـابك في تـوّلـه
حـرام البـعـد وآهـات الليـالي