كلمات فجاه اختفت

نظرات كتير مافهمتهاش
وكلام غريب فاجئتني بيه
تليفون معدش بيتفتح
ومكان بقت ماتروحش فيه
اصحاب ماحدش منهم
بقى عنها يعرف اي شئ
حواديت كتيره سمعتها
مابقتش عارف اصدق ايه

فجاه اختفت من غير سبب
وسابتني للخوف والتعب
ماعرفش حتى جرالها ايه
وبخير دي ولا حصلها
حاجه نفسي بس اوصلها
واسالها بعدت عني ليه

حكايات كتير مابتتحكيش
نقراها لو شوفنا بوضوح
على طول كده مابيتاذيش
غير اللي ساب روحه لروح
ف الدنيا دي يظهر كده
مابقاش فيه حد يهمه حد
واللي بيتعلق اوي
دايما حبيبه لازم يروح