كلمات ضامنن ناموسها

يا محمد كم رفيق ودي ان ازوره
لا تشره وانت ما تجهل جميع اسبابي
خلني بين الدوام وعزبتي والدوره
لين اجيب السابق اللي تستثير اعجاب
سابق على التواقيت الحدث مخطوره
ولا تسجل تيمها يبطي ما عاد يجابي
لا استجنت والعصا في بطانها مكسوره
كنها خطوى شجاع يفتل الاشنابي

ويستثير اللي يشوف الشوط برد اعصابي
كن سرعتها ليا من حركت مذعوره
سرعة اللي تبغي الاقلاع بالركابي
خف ماطاها تقول من الوطى منذوره
ما تثور لو وطت بالخف لغم ارهابي
لا سرحت في شوطها يكثر عدد جمهوره
وكل ما جات الاذاعه تسمع الرحابي
سابق ما عودت قنايها بالبوره
ضامن ناموسها فالموقف الغصابي
كل ما كبر الحدث والنقل صوت وصوره
كنها تقول الشلافي ما تليق الا بي

عقب ذي لا عاد تنشدني وش اللي ابطا بي
معلومات الاغنية
كلمات
سعود النابت
اداء
سلطان العذبه
فيديو
المفارق