كلمات جواز السفر

ما تقدريش تسافري ابعد من لهفتي
ما تقدريش تهاجري من عالم كلمتي
حتى جواز السفر في شنطة ايديك
مختوم بشعري اللي كتبته عليك
ما تقدريش تسافري ابعد من لهفتي

***

تاشيرتك موال عذري فيه شوقي و حيرتي
موال فيه لقيت عمري و فيه حبي و غيرتي
ما تقدريش تعقبي بعدك اماني بدعتها
انت هناء في خاطري غابة اغاني زرعتها
ما تعانديش و خاطري مشغول بيك
ما تعانديش و خاطري مشدود ليك

***

حتى جواز السفر في شنطة ايديك
مختوم بشعري اللي كتبته عليك
ما تقدريش تسافري ابعد من لهفتي
***
فتحت في عيونك مداين تاه فيها خاطري
و درت من شعرك جناين قاعده في دفاتري
و مهما بعيد تسافري ما تشبحيش مثيلها
و لا تسمعي زي ما سمعتي الفن في مواوييلها
ما تحاوليش و سرها موجود فيك
ما تحاوليش و سرها موجود فيك
***

حتى جواز السفر في شنطة ايديك
مختوم بشعري اللي كتبته عليك
ما تقدريش تسافري ابعد من لهفتي