كلمات عين النداوي

والله اني كل مامر حيـين في عفيف
التفت في بيت عزن يحضن الفارعه
جادل تزها الذهب مثل ماتزها ارهيف
وكل حين فيه تـمـشـي تنور شارعه
عينها عين النداوي على الرجم المنيف
اشقرن نادر وبالوصف مغتر دارعه
والقمر يوم يتجلا مع الجو الــطيــف
كن نــوره من نحرها ومن مفارعـــه

عود موزن تحتظل وعلى الماء زارعه
ومن شرورالعين والحسد وشرالمخيف
حصـنوهـا بسم منزل ايات القــارعه
فارعن مامثلها لاحـلي ولاوصــيـــف
فارقـه والزيـن سـادت على فوارعــه
الصعب لاجاته يروح في يدها عسيف
وكل قلبـن تسلبه في ســلبها بارعـــه
والمعيف اللي من الوقت ودنيا معيف
تسترده للحياه وترفها مسارعه
في طلبها تركض الخيل وتعود نكيـف
والبلا من علتن للفزايع قـــارعــــــه

ونطوى حبل المحبين عن مشارعـه
والهوا من سالف الوقت معروف وشريف
لاعرفت احدود غيرك وحدك ذارعه
ويوم شان الوقت ماعاد في وجه مريف
وكل مرن من صنايع بلانا جـــارعــه
صار صدري للهواجيس وهمومي مضيف
والحـياه اعيشها كــلبوها مصـــارعه