كلمات راسمك في خيالي

ياما حكيت عليك للناس وللايام
قالولي خيال وقلت حقيقة مش اوهام
قالوا ملاك بتحلم بيه ومش انسان
راهنت عليك واديني بقيت انا الكسبان

انا راسمك في خيالي
من قبل ما اكون وياك
وسنين وانا بستناك
عايش على نار الشوق
قالوا عليا ليالي
عايش في امل كداب
مسكين ماشي ورا سراب
ومسيره في يوم هيفوق

وادي المسكين بقى دلوقتي ليه حاسدين
ومش فاهمين وسالوني عرفت منين
اني في يوم هقابلك بين بقية الناس
وانا رديت باني مشيت ورا الاحساس

انا راسمك في خيالي
من قبل ما اكون وياك
وسنين وانا بستناك
عايش على نار الشوق
قالوا عليا ليالي
عايش في امل كداب
مسكين ماشي ورا سراب
ومسيره في يوم هيفوق