كلمات اه واه
✍️ كلمات: فؤاد حداد
🎼 ألحان: احمد منيب
اه واه ويا فرحه قلبي
كنت طير وصبحت مراكبي
يجناحين وحملت مراكبي
يا هنايا في ريح النيل
وابتسام الفجر دليل
يا حياتي وسر حناني
لما افتح لك احضاني
كل شط يلاقي التاني
والعطاشى تلاقي سبيل
والليالي تقول لك اه
اه واه ويا فرحه قلبي
في الندى عسلت شويه
جاني طيفك طل عليه
ضي قلبي وضي عينيه
مبتسم في الطل كحيل
طفل غاوي بداوي الاه
اه واه ويا فرحه قلبي
كل شط لقيته طارح
حلم بكره وحلم امبارح
والقلوب كلها تتصالح
في الغناوي والمواويل
اللي تعلى معاها الاه
اه واه ويا فرحه قلبي
كنت ماشي في شمسي وقمري
لما قال لي نخلي وشجري
اعدل الدفه ع البحري
همتك يا ابو قلب جميل
وادي اول اخراه
اه واه ويا فرحه قلبي
كنت طير وصبحت مراكبي
بجناحين وحملت حبايبي
يا هنايا في ريح النيل