كلمات المقهور

ايش عاد لي من بعد ما راح الامل
ايش عاد لي من بعد بدري لي افل
ايش عاد في دنياي
راحوا وانا من بعدهم قلبي رحل
ولا عاد باقي صبر خلصت الوسل
لما اختلت دنياي
ماقسى فعالك يا هوى سويت فينا الجور
ايش ينفع المقهور

ما قساك كم شاب صبته بالشلل
يمسي يكالف ليل ساعته ملل
ويون مثل الناي
والنار في جوفه لها موقد شعل
يا حرقة المسكين مبلي به علل
ظنوه ربعه خان
وان قام بين الناس با يمشي كما المسحور
ايش ينفع المقهور

وحدك انيس العمر ما بك حد بدل
تعال صافينا وترك ذا الخجل
لي هو سبب بلواي
ما كذا يطيب الانس ما كذا يكتمل
سعدي وهب للقلب شربة من عسل
فيها الهناء ودواي
ما رضا بغيرك لي محب حتى بنات الحور
ايش ينفع المقهور

قل لي متى بالقاك يا حلو القبل
قلبي على الهجران منك ما احتمل
ياغايتي ومناي
شفنا هجرت النوم من طول المهل
ودمع عيني سال على الخدين هل
وتجرحت خداي
والشوق مثل النار يولي لي كما التنور
ايش ينفع المقهور