كلمات النصيب

زياد إنت وحشتني أوي، مش عارفة إحنا بعدنا ليه
حاولت كثير أكلمك وإنت ما بتردش عليّ
بتقرا مساجاتي وما بتردش
هو أنا عملت حاجة ضايقتك طب
فهمني إيه السبب عشان أنا ما بقتشي فاهمة حاجة
إنت ما تعرفشي بجد أنا حالي بقى عامل إيه من غيرك

بعدك أثر بالسلب ما بقتش قادرة إني أفرح طول الوقت واخذة جمب
إزاي ما حبتنيش هو أنا ما استاهلش أتحب
ولا السبب إن إنت أناني وما عندكش قلب

أنا مش أناني سيبتك عشانك مش عشاني
أنا شخص فاشل ما تحبش ولا واحدة تتمناني
كل الناس بتنجح وأنا ثابت هنا في مكاني
أنا ما فضليش حبايب اللي فضل لي بس أحزاني
(أنا جمبك (مش عايزك) أستاهلك (مش هستاهلك
مُستهلك قلبي اتفرتك (أنا أهلك) وأنا مش سندك
مش هنفع لك بس مش هحب قدك
ولا شقة ولا شبكة ولا مهر طب أقول إيه لأهلك

ما كنتش عايزة غيرك أنا من الدنيا اتمنيتك
أنا كنت ضايعة قبلك ولقيت نفسي لما لقيتك
وأنا كنت قريب ليكي بس خلاص أنا هبقى غريب
هاجي فرحك وههنيكي كل شئ قسمة ونصيب

ألو) إزيك عاملة إيه)
أنا مش بكلمك عشان نرجع أنا بكلمك عشان أقول لك
إن خطوبتي كمان أسبوعين
(ده بجد (خليك عارف إن إنت السبب

أنا السبب غلطت لما طلبت إنك تبعدي
قلت بكرة تعيشي بعدي عادي وتتعودي
شوفيني أديني ضيعت بعدك واتأكدي
غابت بعدك ضحكتي يا اللي كنت سبب فرحتي
فراقك مش بإيدي كنت دمي اللي في وريدي
كنت حضن بيدفيني وأنا دي الوقت إيه باقي لي؟
كنت إنت فرحة عمري كنت بالنسبة لي عيدي
ضيعتي خلاص من إيدي ونِفسي ثاني ترجعي لي

مش مصدق إن احنا بعدنا وخلاص مش لبعض
نسيانك مستحيل حياتي بعدك ما لهاش طعم
أنا كنت ليكي بيت وأخ وإبن وكنت أب
وكنت ليّ حلم بس طلعتي حلم صعب
ما كانش يصح أسيبك كنت لازم أحارب لأجلك
كنت بحل لك مشاكلك بس بقيت أنا كل مشاكلك
بقيت سبب تعاستك بعد ما كنت ليكي حبيب
عايشين نتساب ونسيب ونرمي الذنب ع النصيب

عارف إني غلطت في حقك وعملت حاجات كثير غلط
بجد أنا مش عارف أعيش من غيرك
حياتي ما بقتشي ليها لازمة خالص