كلمات رقم واحد

رقم ١
مش عارف اعمل ايه تاني
كتير اوي بقو شبهي
عمالين يقلدوني
وينحتو وياخذو شغلي
كده كده انا ماركه
و الناس بتحبني
اسمي وشكلي معروفين
ولا حاجه تهزني
الجديد كللو عندي
انا بس اللي بودي
كتير بقو نسخه مني

مش بفخم في نفسي
بس هي دي الحقيقه
بفضل الله انا لوحدي
لما انزل بعمل حريقه
سوقي شغال وانت نايم
عينيك منفخه وباين
انت جيتها في مركب
إنما أنا جيتها عايم
انت حافظ مش فاهم
في الشغلانه دي انا عالم
شغلك مرقع ومكركب
مش بيجيلك زباين
اسأل كل الناس
مين الكاريزما ومين الاساس
انا يلا شد الترباس
كللو عارفك عالملياس
لكن هنا كللو باحساس

شغل يدخل جوه الراس
عامل يجي مليون انجاز
أتعلم من عمك
دايما حارق دمك
مش عارف تبقي
زيي ولا تكون احسن
وده اخرك صدقني
وانا اللي ماليش آخر
هنرتب نفسينا
أنا أول وانت الاخر
انا مستريح وانت مريح
شايفك كارف وبتتسنكح
بتكلم طوب الارض
علشان بس تبان وتنجح
عملت دعايه ومش نافع
مش جيا معاك يا واقع
عمال تدفع علي الفاضي
مفيش حد لشغلك سامع
اسلك علشان حاجه تنجحلك
صدقني كده اريحلك
مهما بتعمل برضو فلش
هي مش بالعافيه
أنا مفيش مني
نسخه واحده مني
والباقي تقليد
علي طول شفني
دايما مني جازز
مش حاببلي الخير
من جواك عارف
أنا ابقي مين