كلمات لا تزعلين
لا تزعلين تضيق فيني الوسيعه
لا تزعلين اظن مافيه داعي
بيني وبينك ما تصير القطيعه
خلي الزعل للي هواهم صناعي
لك بالوفا يانور عيني طبيعه
مير ادمحى الزلات وروفي وراعي
الخل ما يرضا لخله هزيعه
عن الطمان ينزله بالرفاعي
انا وقلبي يالعيون الوسيعه
لاجلك ترانا ما ذخرنا مساعي
نشري رضاك وخاطرك مانبيعه
حبك هوى نفسي وشوفك متاعي
اشواق قلبي تندفع لك سريعه
وانا على شانك سريع اندفاعي
امرك يلبيه الخفوق ويطيعه
لو في حلاه النوم فزيت واعي
لا تجرحين القلب وانتي ربيعه
خل الزعل لايصير سبه ضياعي
حب البشر لو تجمعينه جميعه
حبى لك اكبر والوفا من طباعي