كلمات شاوشانك
الحكاية ليها ربع قرن من المعافرة
بسرعة قصوى ع الطريق و اخره حفرة
من التسعينات شغالين قوافي صوتي كافي
ناس ماكدالي رابي بالنسبة لهم علم كافي
جيت لدنيا مش من اختياري مش مساري
بكرة الحقيقة فاكاذيبي تمنع انتحاري
ربع ساعة بعصر الدماغ لفيرس حالم
شايف طريقي للخلاص و بكسر السلالم
سهل ممتنع بجيب لك الزتونة و انجز
بغطس كتير سني عجز مش مركز
.فقر فني حالي من هنا لهاواي
يحسها اللي زيي من بواقي جين واي
من سماعة ويندوز اكس بي لمايك رود
ما يمضي لا يعود ده اختصار تلت عقود
بلا اختيار عايش اسير في كوكب النغم
سلمني راسك استعد هزرع اللغم
الوحي وهم ، اللحن بييجي بعد عصف ذهني
اي بيت من اختراعي و لو ع الرف برضو ابني
صوتي صاحبي قلمي لساني دول مجلس ادارة
الاستعارة فن ضد المباشرة احب الاستدارة
اشارة حمرا في كل محاولة فاشلة اني ابقى شخص عادي
وادي رص قص رص فيرس لا يعتبر وقودي
مودي اسم وصف مش بعيد عن الحقيقة
بيئة من اختراعي كانت المزيكا تعتبر عشيقة
محبوسين جوه ادمغتكو سجن شاوشانك
معايش فلوس اتجوز ، مش فاضي بصرف ع البنك
اجيال جديدة اذكى حبو وقتكو المضارع
اللي جي مش لطيف و كله للي جي خاضع
اللي سامع . حيد اللي يقولك انك واقع
شوبنهاور جاب درفها واصف بشاعة الواقع
من ادريان كارلوس للهيزام اسامة
الحياة حدث بيولوجي متستحقش اي دراما