كلمات يا امي

يا امي يم كلب الطفل يا امي يا حظ نتفو
لو راح ابونا بكل وكت نلقاج انتي ام وابو

اتحيرين بينا بكل وكت وما حيرنا مرة بروحنا
تعوفين جرحج لو نزف وعيونج على جروحنا

دورنا اليشبهج وابد ماشوفنا مثل رسومج
يل شايلة هموم الوكت بس ما عرفنا همومج

للجنة للجنة ندخل من وكت من نشم عطر هدومج
هنياله كل من عنده ام ويصبح على عيونها

الام شمس لو تختفي الدنيا ضلمة بدونها
الصبح الصبح ما جان الصبح لكن اخذ من لونها

يا مي يا امي يا ام الدمع دنيانا غابة شبيهه
من دونج انا وداعتج ماحب اعيشن بيها

خليني يمج كل وكت يا امي يا ام العافية
يا يمه يكتلني البرد بس انتي طيبة ودافية

الدنيا غيمة من المطر واحضان روحج صافية
الجنة جت تركض ركض جوة رجلينك غافية

ضحيتي ضحيتي وانطيتي العمر وشلال مايج بارد
شلتينا بجفوفج وابد ماشلتي غيبة واحد

ما شفتي نوم ولا هنا الخاطرنا ضهرج منحني
جيبج فقير بكل وكت بس جفج وكلبج غني

تودعين اليروح بهلا و مية هلا لليعتني
وعندج دعاء من الصبح احفظ اولادي وموطني

كلمات و القاء
شهد الشمري

توزيع و ماسترينغ
غصين سبيروس

انتاج
رنة ميوزك برودكشنز | Ranna Music Productions

السنة
2020

الطرح
13/03/2020