كلمات وحشتيني

وحشتينى

و بارجع تانى فى كلامى
و اقولك لأ ... وحشتينى
م انا ف بعدك واحد تانى
و باملا بادموع عينى
بحبك .. من ورا الدنيا
و رغم التوهة ف سنينى
هاقولك ايه ... و اعيد تانى
بحبك اه ... وحشتينى

ساعات باتمنى القاكى
و اقول من غير كلام فاكرك
عشان اقدر اكون لامس
شعاع بيطل من فجرك
و نحضن حلم كان بينا
و نتملى ف نور بدرك
و احكيكى و تحكينى
عشان خاطرى....عشان خاطرك

وحشتينى عشان حبك
حكاية عشق جوايا
حروفها عمر انا عشته
و ليل سهران و ضحكاية
و همسة سحرها راسم
فى صفحة عمرنا آية
و لو فى الضلمة غاب قمرى
كفاية الاقيكى فى سمايا