كلمات غصة
✍️ كلمات: ايثار محمد
🎼 ألحان: سيف عامر
غصه بكلبي ماتنشاف
بس اني الاحس بيها
كون بعيني دمعه تصير
واخلص منها وابجيها
اني الما وفولي هواي
والاذوني مو غربه
اني الكلبه طيب حيل
لكن داسوا بكلبه
عشت بدنيا بيها الناس
اذا ابيض كلب ينداس
وابو الوجهين والخوان
تاج يصير فوك الراس
اليفهم حالي اجيبه منين
ومن احساسي اروح لوين
يمكن من وره الكتمان
انام وما افز بعدين
صاير حالي ما ينطاق
تعبت حيل نفسيتي
حتى بنومي ما مرتاح
كسرت كلبي وضعيتي
من تفكيري اروح الوين
نار البيه ما تطفه
مدري شبيه احس مخنوك
وشي ناقصني ماعرفه
شكلي من القهر ذبلان
ضايع منكسر ندمان
العاف بكلبي هم وجروح
جان بكلبي اعز انسان
من البيه اريد ارتاح
ضجه براسي صوت صياح
بكسره كلبي هاي الناس
كلمن اخذ حصته وراح