كلمات حد سكه

شوفتوا اللي كان غلبان مالوش فالدنيا حد
وغرقته ف جمايلي وماقولتلهوش يعد
وقلبي عملته بيته وبخرته ورقيته
وجوه العين داريته وخوفت عليه بجد
بدل ما ف قلبي داوي جرحني جروح نقاوه
ودخلني بغباوه في اقرب حاره سد

يلا لف تاني وارجع انت جاي ليه
ده انت حد سكه يخسر اللي يشتريه
اعمى جتله نعمه سابها والندم ماليه
بس مهما تندم الحوار مقفول عليه

روحت شمال روحت يمين
راجع تتمسكن على مين
مهما هتعمل فيها حزين
انا مش هرجعلك تاني
حقي هيرجع عندي يقين
الدنيا تدور والعين بالعين
بتقولي ارجعلي بكل حنين
ده انت قلبك اناني

بعدي حب الف قلب
بس كله بعد فتره
كان بيطلع مش تمام
لف لف عقله خف
م اللي شافه مشاعره خافوا
حتى مش عارف ينام