كلمات سمرت

سمرت بصحبة حروف القوافــي ... أحمّلهـــــا تناهيـــت خـوافـــــــــي
أشكّـل بالحـروف ألـوان صــورة ... أحـرّكها مــن المعنــى بـصافــــي
أشيل الحرف من معنى لمـــعنى ... وأداري ما ظهـر وأظهــر بخافــي
وإلا منـي عطيت الحــرف ونّـــّة ... بـها حرفـي على النجمات طافـــي
يقـوّم كـل نجــمٍ مـــــــن منـامــه ... أنـا ما نيـب أسامـر نجــم غافــــي
يجينـي كل نجــــــمٍ منــه مـــعنى ... ولا قـــد قـلـت للنـجمـات كافــــــي
تصورلـي دمـــوعٍ وابتسامــــــه ... مـن عيــونٍ تقصـوت ما تشافــــي
ألا يا نجـــم يا عــالي تبصّـــــــر ... شـف بعـين المحبــة عيـن وافـــي

وخبّر صاحبـي عن حـال خلّــــه ... تـرى يمشي على الأشواك حافـــي
ولو ممشاي فـي جمـرٍ يفيـــــده ... مشـيـت بجمرهــا كنّــه عوافـــــــي
ولكـن وش يفيـده لـو ذبحنـــــي ... ومـن يوصـف جماله عقـب قافــــي