كلمات فيافي الشوق
في فيافي الشوق قاطع للخليل
ممتطي شقرا بها عزل الغرام
قابض خطام الوفى عندي دليل
قلب مبطي في القطيعه ما يلام
تهمس الذكرى وانا صبري جميل
الامل ثوبي ولي عزم ومرام
لو تهب سموم هجره ما تحيل
دافعي زفزاف صوبه بالتزام
اتبعه واحن ياليته يميل
صوب عرش له بنيته بانسجام
المحب الغالي الغر الجميل
شوق قلبي سلوتي عد الهيام
لي جبينه صبح و ميدله ليل
حالكا متعثكلا لين الحزام
اقرن الحيات و الخشم السليل
و الخدود بروق لاحت في غمام
والشفايا توت يورد سلسبيل
والمعنق عنق غزلان وارام
والصدر ميدان ما مثله مثيل
وان مشى بالدوب باسلوب ونظام
لي ردوف زعلن خصرن نحيل
من ثقلهن بادرنه بالخصام
في المحبه شلته الحمل الثقيل
لاجل عينه الزين منزوع القوام