كلمات زفة الدر الثمين

ياحضور ادعوا لها حسن الامر
وادعوا الله يحفظ الدر الثمين
وع النبي صلوا وزيدوا بالذكر
الحبيب المصطفى الهادي الامين
هو شفيع الناس في يوم الحشر
عند خالق يغفر الذنب ويعين
ورددوا التسبيح في صبح وعصر
خير قول الناس سبحان المعين

انظروا طله بدر نصف الشهر
نور ضاوي ليل كل العالمين
الجمال اليوسفي فيها افتخر
حظ زين فيج يتبادى ويبين
ياسليله عز من بطن وظهر
يالسويديه ترى ساسج متين
الغلا عيشه وعيشه لي فخر
ياسميه ذخرنا الحصن الحصين

من خطاويها على الارض انتثر
الزهر وانواع ورد وياسمين
في وصايف عيشه الحسن اختصر
كل زين الكون في شخص حسين
والعقل والطيب فيها ينذكر
ان حكت تحكي بمنطوق رزين
والادب فيها توشح بالستر
لولو وممنوع سوم السايمين

في ذرا سلطان عيشي ياقمر
السنافي الوافي الحر الفطين
يشبه اسمه في طباعه وان حضر
كنه السلطان بين الجالسين
اصله الوافي في اسمه ينذكر
نصفج الثاني على مر السنين
يالله انه دربهم طول العمر
في نعيم وبالسعاده مهتنين