كلمات الجو شتوي

ودع صباح الحاضره والمدينه
واختار لك خائع عن المدن مبعود
به من حقوق الوسم نبت يزينه
فيه الغدير وظله السدر والعود

ما فيه غير ام الوضيحي وطينه
والصوت قفاعي وياصوت مفرود
والعشب توه ظاهر من دفينه
وريح البرم يسري مع نسمه النود

ونظره غنوج مغزله في يمينه
لي من خلق ما داس للشين منقود
وان يا لمساء ذب النقاه الملينه
الجو شتوي والمطر مثر برود

ونار اليريبي ما تسوي دخينه
في الليل ريحتها شرا ريحه العود
شب الحطب واعمل ونق السمينه
اللي رعت في برها قطب وعقود

وارمس مع اللي ما شكوا من غبينه
مع ربعك اللي هزرهم فيك موجود
وادي فروضك واستعيد السكينه
لك من صلاتك راحه ركوع وسجود

نزهه دوى لهل النفوس الحزينه
مع دنده ميحد على نغمه العود
يرتاح بالك عن ضجيج المدينه
وتنسى الزحام ويرجع الانس ويعود