كلمات اوبريت مسيره البدايه
وجهي تشقق محل
ما عندي ما امده
تاقت عروقي وصل
واصيح من مده
وين السحاب الفحل
اطرافي ممتده
شاب الشعر والخصل
اتطيح من كده
يا لله بعلم نصل
ما ينثلم حده
يجهل على من جهل
والذاهب يرده
مثل ما للشمس حزات ومطالع
للثقيلات المريدي الحر مانع
طالعن من شرق معه النور طالع
يطرد الريح المحمل من مهبه
نوخ ركابه على وادي حنيفه
وارتفع له صوت ابن درع ولفيفه
بالتراحيب المسماه الشفيفه
مرحبا بك ما طلع صبح وتنبه
يا ناشد الوادي عليه
تاريخ خطاف البصر
محمد بن سعود فيه
في كل قاع له اثر
عدوانه وتحت اخمصيه
ولحلمه وساق العمر
ومن عقدها حاجبيه
عقد بحرها بالبحر
الرايه الاولى بيديه
رفرف بها تيه وفخر
كفخ بها عدم الشبيه
ولا كفخ مثله صقر
العز درب ويعديه
ما يترك بدربه شبر
يا يحوربه ولا يحديه
ما غيره لصدره صدر
حنا عياله من حديه
صلبه ونسل من فكر
عاشوا في نواحيك
ماتوا عن نواحيك
ضافي العز بك حيك
بشت على بلادي
رايه بدل رايه
رفرافها حكايه
والغايه الغايه
توحيد وحمايه
اما تجي تسليم
ولا تجي رمايه
الاولى وارتزت
والثانيه فزت
والثالثه عزت
باذن الله الهادي
والوادي والوادي
طمن لها اكتوفه
والساريه قامت
تقامز على اكتوفه
ارواها بالشده
واسقاها من جوفه
عادتها من قامت
وظلالها وارف
مثل النخل قامت
لاهلها والطارف
احد وقاه بظل
واحد لها خارف
عادتها من قامت
ما تتنكس مره
عن الوطى شامت
رايه وطن حره
عل صوتك سمع اللي ما سمع
مالنا عن غاليه والله غناه
غاليه هي نصف هذا المجتمع
والقلوب انصافها للغاليه
تحت ظل اخوان نوره نجتمع
كلنا اخوه وعزوتنا خوات
عز نوره عزنا قدر وطلب
نورها بين الدروب المظلمات
العمل والعلم لا منه نفع
ما يفرق بين شبان وبنات
شمسها اشرق ونورها صبح وطلب
همه عليا وعين ما تنام
بيرق خفاق رفرف وارتفع
دامه الله في علو وفي ثبات
النساء برق على بلادي لمع
والبلاد ترحب بنصف الحياه
من وين هذا الصوت
من وين هذا الصوت
من طيور حركت سعف النخيل
من هبوب ساريه بطراف ليل
او غشانا البارحه نطاح سيل
او عقب المطر صبت مرازيم البيوت
من وين هذا الصوت
من وين هذا الصوت
همهمت فريس ولا دبك خيل
سمره قامت على طوح الفتيل
صفها صفوت هل العارض تشيل
من عرضه العالي ابو تركي بيوت
مني عليكم ياهل العوجا سلام
واختص ابو تركي عمى عين الحريب
واضرب على الكايد ولا تسمع كلام
العز بالقلطات والراي الصليب
يا ديرتي واللي مضى
كان الفضا ديجور
من طاول حدود الرضا
واومى بشعله نور
من اوقدك يالنور
من اوقدك يالنور
النور نور بلادي
اليوم يوم اعيادي
حنا سمعناه ينادي
جينا نلبي امره
غنوا على رايتنا
عطا هي ديرتنا
يا حلمنا وغايتنا
اليوم وامس وبكره
اهلي وطنا عالي
من اول ومن تالي
سلمان ابونا الغالي
يا رب طول عمره
نور من عنان السما يا حيه
قلبه سعودي والدما سعوديه
براق الليله هما في ضيه
عشق ومحبه وانتما وهاويه
يا من يخبر من بنو هالسور
يا من يبشرهم عن اللي صار
نقوشهم يوم السنين البور
صارت معالم خالده واثار
حصون وامجاد وتر وقصور
تبقى على صدر الزمن تذكار
ساس البلد ما نتركه مهجور
تقفي عليه وتقبل الزوار
ودايم منها يشع النور
تطوي الزمان وتلفت الانظار
مشرع ما كنها الا اسطور
اهل السعوديه حصون الدار
وطن ياما عن امجادك قرينا
وكتبنا المجد لاجيال تلينا
في اوفى شعب واكرم ارض دوله
لنا حكامنا ومنا وفينا
ياسس جد ويجدد حفيده
حفيد لاح برقه وارتوينا
بناها محمد بن سعود دوله
بدى منها فخرنا وارتوينا
ترى ما طافها عز ومهابه
عزوم لا تكل ولا تلينا
لو غابت بترجع مثل ماهي
تغيب الشمس في الغيم وتبينا
وطلع من موكر ال سعود
تركي بن عبدالله ونعم اليمينا
شهر سيفه ورد المجد الاول
وتوالى المجد حينا بعد حينا
الى نجران على الدنيا معزي
بشاره خير ترقب ها لسنينا
الين اشرق على الدنيا معزي
بشاره خير ترقبه السنينا
سرى من شرق واليمه عظيمه
على داره يسامره الحنينا
تعزوى بحكمه الدانه ورده
تعلى في سمانا واعتلينا
نهض سلمان للعليا ونهضنا
وبايعناه بمحبه وانتمينا
ما دامه حي للنجمه تصيره
تعزوينا على النجم وسرينا
معه من وين ما وجه نوجه
على مكره ومنشط ماحيينا
راى محمد بن سلمان رؤيه
حيت منها جوارحنا وجينا
نشوف احلام شعبه في عيونه
مشى لباكر وشفناه ومشينا
نسوق ارواحنا لا من تجهم
والى منه رضى محمد رضينا
سعوديين والتاريخ يشهد
بان المفخره منا والينا
سعوديين ما نرضى المهونه
ولا نخطي ولا يخطا علينا
عرضه الفريس بالصوت شلها
العبوا يا اهل السيوف الشطيره
السعودي عادته ما جهلها
والسنين الاوله والاخيره
دارك درب المعالي وصلها
سل سيف المرجله من جفيره
يوم عز الدار من عز اهلها
نحمد اللي عز شعب وديره
يا ملكنا بالخطوب وجللها
يا زبون الكايده والعسيره
العرب بشعوبها وبدولها
مالها يا كود سيرتك سيره
رايك اللي اليوم مالك عدلها
يا حكيم المملكه والجزيره
سيدي منك وفا نرتجلها
امرك امرك جعل في الامر خيره