كلمات تاهت دروبي

من غلقة الصدر قمت افكك بناقي
ومن الكآبه جمعت الضيق والحيره
غيم سما الحزن واحتارت من اشواقي
ظنوني اللي تردد جعلها خيره
تاهت دروبي ولاادري ويش انا لاقي
من حالة غربتني عن هل الديره
يااغلى من الناس في عيني وف اعماقي
مايلفت القلب لو كثرو مساييره

والبال منه الظنون ازداد تفكيره
والنوم ماله لزوم يزاور احداقي
من يوم فرقاك وانا من مداويره
من همت في حبك المجنون والراقي
حفظتك ولارضيت يجاب لك سيره
وفيت معك ورميت لحبك اوراقي
والعمر ماشفت في قربك مخاسيره
مامر في عمري اللي راح والباقي
كسر مثل كسري اللي صعب تجبيره
ياعنق ريم تشالى منه اعواقي
بايدينك الامر قبل تخط تعبيره

وابقى رهين الحظوظ القشر والحيره