كلمات المصالح

كل ما هتعيش هتقابل ناس
عارفاك عشان مصالح
غش ونفاق تعرف منين
مين في الدنيادي صالح
لو حد له عندك مصلحه
في وشك يضحك ويسلم
واهو بعد ما تمشي هتلاقيه
في ضهرك على طول يتكلم

مسرحيه نجوم شباك
وكله بيلعب على كله
واللي عامل فيها ملاك
الشيطان ماشي في ضله

لو فيها فلوس الناس هتدوس
ع النار علشان توصلك
اول ما تضيق الدنيا عليك
هتشوف ايه اللي هيحصلك
لو عندك قوه تلاقي كتير
على طول عاملين حسابك
والقوه دي لو منك تروح
هتلاقي الكل سابك

عيش الحياه
مش كل حد تعرفه علشان ليك حاجه معاه
دي الحياه
احلى من كده بكتير
عيش الحياه
لو حد عارفك علشان مصلحه يلا انساه
دي الحياه
ابسط مش محتاجه تفكير