كلمات احب روحي

ما البس اسود لو غبت و ابجي على غيابك
حسبت الراح وينسى هيج احسب حسابك
عود اسهر ابجيلك واحن واشكي من جروحي
صح اني احبك بس تره كلش احب روحي

تروح روح وما عليك ماموت بعدك شبيك
ابشرك اني من الشوق اتعلمت درسي
لا تنتظر جيتي بيوم لا ولا اعرفك ما تدوم
اقدر الملم لهموم واتكفل بنفسي

فارقني اريد القاء الفرح واخلص من همومك
لا تضن الومك ع الجرى عاتبني اذا الومك
من شفت نفسك سيطرت صوتك ع قبالي
حاسبها صح اني وشفت الفركه احلالي

تروح تروح ولا تخاف ما راح دمعي ينشاف
انسى واحب غيرك راح و الدنيا ما تخلص
خليني وبنفسك خير ان شاء الله تشوف الخير
غالي واضل مهما يصير وللموت ما ارخص

كافي تره هوايه تعبت مو صدعت راسي
ابحبك احساسي اختلف يالجارح احساسي
ما يهمني تمشي لو تضل اصلا ولا ابالي
اني ابدايتها قلت هذا ما يبقالي

تروح تروح ولا تعود نسيني الايام السود
العتب خله مسدود ليجرحك اعتابي
لتسوي روحك مسكين يالضيعت حب سنين
حالي من حال الناسين راح انسى احبابي