كلمات سفن الصحاري
لاتروح بعيد يااللي ودّك بذودك تماري
الوعد في موقعً لأهل الهجيج وخابرينه
الجوائز للهجيج أمر بها والكل داري
الملك سلمان جعل الله يطوّل في سنينه
قام حظ أهل الهجيج ومن قنا سفن الصحاري
وشملتهم رؤية محمد باالأشواط الثمينه
بعد ماكان الممارى للعدود وللخباري
لولي العهد صار اليوم ومصافح يمينه
ياهل الذيدان للميدان والتسجيل ساري
وكل من حافظ على موروثنا ياحي عينه
أرتفع سوق التحدّي وأنتفع بائع و شاري
والحلال اللي على الهقوه ياكثر مدوّرينه
مايرشّح للوشاح ألّا أصوكً باالفوز ضاري
ومن بذل جهده ومجهوده عسى الله لايهينه
يكسب الناموس قرمً لا يحنّ ولا يداري
للوشاح يقول ماتملك يدينا مرخصينه
و فكة المقهور ياالمنعور مافيها طواري
مع طلوع النور جاك الطرش في وقته وحينه
أنطلاق البوش كلّن له يشوش وله مباري
وكل من شاف الهجيج بغترته تومي يدينه
تطبّخ روس النشامى والنهايه خط ناري
وراعي الأول يروح ببيرقه ومشجعينه
و مايزود الفوز قيمه لاغدا الشوط أنتحاري
غير لا جت من بنات بعيرنا اللي منتجينه
في نهار الوِرد مابه مكسب ألا باالعزاري
ولا يصرّح باالكلام ألّا زحولً محتمينه
من يبي ناموس يفخر به ومشروعً تجاري
كلها فاالبل عظام المال و ثمرة الخزينه