كلمات سمعت اشياء

سمعت اشياء تضايقني سمعت انك هجرت الدار
ومن للدار احد غيرك ومن في الغربة يسليك

تركت الكل وماتدري وش اللي في غيابك صار
ملل في الزاوية هذي والم ف الزاوية هذيك

دخلت لغرفتك ظلمة ويملا كل مكان غبار
نفضت الغبرة وشوقي مجلسني على كرسيك

ذكرت ايامنا الحلوة ذكرت ايام حنا صغار
تجي ويفز لك قلبي بدون شعور اضم ايديك

و تهنا سنين مابين الغياب وزحمة الاقدار
ولا لحظة تمر الا على بالي تجي وابكيك

تعبت من الجفا والشوق فيني تايه ومحتار
ومرت بعدك الايام في حيرة وانا مدريك

تعال وطمن احلامي لاني ماعرفت اختار
قضيت سنين بغيابك قضى عمري وانا اناديك

امل فيني ويسكن بي تجيني وتخذل الاعذار
وثاني شيء ترجعلي حياتي واتهنى فيك