كلمات طول ليلي
✍️ كلمات: محمد عاطف
🎼 ألحان: رامي جمال
طول ليلي بفكر فيك واحشني
وياويلي ده شوقي ليك تاعبني
هنت عليك حبيبي ازاي تسيبني
واستناك كده على نار
بناديلك ونفسي في يوم
تجيني وترجع ليالي النوم
لعيني كده فاتت ليالي كتير
واديني على حالي وبالي احتار
حاجه نقصاني وانت بعيد
روحي سيباني قلبي وحيد
كده انا ليلاتي شوقي يزيد
وانت نسيني ليل ونهار
لو قادر تداري هواك عليا
لو فاكر حنيني ليك شويه
لو ناسي حاتنسي ازاي عينيا
في ليالي سهر وغرام
روح منك لنار الشوق وليله
سيب قلبي ولما تفوق تجيله
ماهو عايش بيقول بهواك واديله
في عذابه سنين وياك