كلمات هاتي يدينك

هاتي يدينك يالرياض بنلحق البدر ف سماه
انتي مكانك ف السما بين الثريا والجدي

يوم ليلك مظلم معزي على عبيه سراه
مامنعه الخوف عنك ولا الظلام السرمدي

لين رجع ورث جده فالجزيره واعتلاه
ورددت له كل ديره مرحبا ياسيدي

موطني حتى السحابه ودها تلمس ثراه
بين كثبانه تتوه وفي جباله تهتدي

برق يلمع فالجبيل وبرق يلمع فالسراه
ابرقي من حيث شئتي ياسحابه وارعدي

شعب واحد حلم واحد مجد واحد منتهاه
كل ماحقق طموحه من طموحه يبتدي

مالي عيون العباد ومشغل اقلام الرواه
حظ عين اللي يحب وسقم عين المعتدي

قبله الدنيا طموح وقبله الدنيا صلاه
من طمح للمجد والعليا بداري يقتدي